Sunday, March 25, 2007

Siuk jua ah

Siuk jua ah tampat pantai atu. Dapat Aiman main-main arah playground atu. Ganya panas eh. Ada tampat BBQ lagi tarus ada paip air. Bisai ah? Nanti lagi tani sana ah. Ambil gambar Aiman tarus. Luqman nanti saja udah ia okay banar-banar.
Bah, bawa bersabar Sayang ah. Andangnya tu urang macam atu. Inda sadar tu. Tuhan saja membalas budi baik Sayang kraja bisai-bisai. Okay cutiepie? Ich liebe dich.

Monday, March 19, 2007

Sabar

Sabar sayang ah. Inda apa tu kalau inda dapat. Abang support Sayang in everything you want to do for our future. Tuhan lagi yang lebih mengetahui. Tani merancang saja dan berusaha.

Sunday, March 18, 2007

Bingo!

Hahaha.. Sayang kalah main Bingo sama Abang tadi. Kalah kan? Abang jua manang. 18 games... Sayang manang 8 game, seri 1 game.. jadinya Abang manang 9 game lah tu. Kan? Kan? hahaa.. nada Abang buyuk tu. I love you beb! See you and the kids karang malam. Oh..ManUtd manang! Yeaaaaaaa....

Thursday, March 15, 2007

Ayam

Ayam saja Sayang? Abang ok pulang. Yang Abang suka... Coleslaw kismis and grill chicken. Yum-yum!!! Esuk lagi buat. Kurang 2 inci dah ni lapas 2 minggu makan teratur. Kehkehkeh! I love you and the kids! Abang main game dulu. :)

Wednesday, March 7, 2007

Rindu nyaaaaa

Kehkehkeh... Abang rinduuuuuuu PS2 Abang eh. Batah udah inda main. Lapas ani barutah Sayang dapat berinternet ah. Abang dulu. Heheh...
Abang suka makan tuna sandwich atu. Buat lagi esuk ah? Thank you..thank you! i love you

Monday, March 5, 2007

Good food

Not only good food my wife masak. It was excellent! Nyaman banar masakan atu ganya macam sedikit Sayang bagi Abang ah. Kehkehehh...
Lalah Abang kraja semalam ah. Banyak delay daaa... Tapi inda apa, esuk tani together ah? Jalan-jalan and makan-makan (bulih kah?) ah? I love you honey!Thank you for the nyaman food.

Saturday, March 3, 2007

Nyaman eh

Nyaman makanan Abang atu Sayang. Ayam, ubi sama sayur ah. Yum-yum! kanyang Abang eh. Mau lagi eh. Pandai bini Abang atu masak. Diet makanan atu tapi masih nyaman. Thank you Sayang.

Friday, March 2, 2007

Apa ada?

Dulu Abang inda percaya yang Abang akan kawin satu hari nanti. Tapi sudah kan masuk 3 tahun kawin and ada 2 orang anak yang cute handsome ani, inda terkata rasa gembira and happy ani. Mendirikan masjid satu sunnah. Iatah Abang banar-banar ikhlas dulu atu propose Sayang jadi girlfren Abang. Angan-angan lagi lapas jadi girlfren, jadi isteri Abang. Sampai ke jiwa rasanya. Banyak dugaan yang mesti ditempuhi. Apatah lagi Sayang tinggal jauh di Lumut. Tapi Abang inda peduli.
Ani sudah bekeluarga sendiri ani, Abang berkorban segalanya untuk membina keluarga yang aman dan bahagia. Inda kira penat lalah. Kadang-kadang, apa yang Abang kan cakap, inda mau keluar dari mulut ani. Ani tah saja caranya Abang meluahkan.
Sayang, Abang minta maaf kalau kehidupan tani inda seberapa. Mana tau Sayang mengharapkan hidup mewah. Abang pun masih mikirkan keluarga Abang yang di rumah. Parents sama adi beradi Abang yang lain pun Abang masih rasa bertanggungjawab keatas durang. Abang sebagai laki-laki inda dapat lari dari tanggungjawab terhadap ibubapanya. Tapi entah kenapa macam Abang ani kana sisihkan. Adakalanya Abang rasa inda lagi kana hormati lagi ulih adi-adi Abang. Kenapa? Sebab durang durang berpelajaran lebih tinggi sama bergaji basar dari Abang? Abang ani apa jua skulah inda berijazah walaupun ke luar negeri. Gaji lagi randah. Bini pun menantu yang bergaji randah. Macam inda kana pandang tani ah? Kesal rasa Abang. Dulu Abang dulur jua keluarga Abang ani. Padahal, menerima elaun ganya di German atu, apa durang mau, Abang cuba penuhi kemahuan durang. Abang bawa belayar sama belanja itu ini, belanja makan, jalan-jalan... Karang ani, kan bercerita pun barat mulut durang kan bagitau Abang apa-apa ani. Kan bagitau Abang majlis-majlis pun last minute. Kan offer Abang ikut kemana-mana pun nada. Kenapa tia? Membari malu kah Abang ani? Inda beusin? Inda berpelajaran? Malu kan ngakun Abang ani part of the family? Jangan saja Sayang inda ngakun Abang ani suami Sayang!
Inda apalah. Sabar saja. Abang doakan saja keluarga Abang sihat sejahtera dan selamat.
Apa yang Abang rasa ani mudahan menjadi pelajaran dan tauladan.
Abang sayang isteri Abang yang tabah menghadapi dugaan walaupun siksa batinnya dan kedua anak-anak Ayah yang cute, Aiman & Luqman. Kamu jangan lupa Ayah sama Mama lai ah. Jangan berkelahi sama-sama kamu. Hidup damai tah kamu udah basar nanti. Sembahyang jangan lupa.